Home

2010-2011 IKASTURTEA

Oporraldi luzearen ondoren bertan dugu jada 2010-2011 ikasturte berriaren hasiera eta hona jarraian izen-emate eta bilera egunei buruzko argibide batzuk:

Irailaren 7an, arratsaldeko 17:00etan bilera orokorra izango da Aurtzakak Garmendia Otaola 9an duen lokalean. Bilera honetan izen-emate orriak, egutegia eta ordutegiak banatzeaz gain ikasturte berriari dagokzion hainbat argibide emango dira. Beraz, eskertuko genizueke ahal duzuen guztiak bilerara etortzea. Ikasturtea irailaren 13an hasiko da.

2005ean jaiotakoen kasuan ordea, izen -emate egunak Irailaren 27 eta 28an arratsaldeko 17:00etatik 18:00etara izango dira. Hauentzako ikasturtea Urriaren 4an hasiko da eta hona hemen izen-emate prozesuaren inguruko argibide batzuk:

- Adin honetan onartuko diren haurren gehiengo kopurua 25 haurrekoa izango da. Hortik aurrerakoak itxaron zerrendan egongo dira abendura arte.

- Izena emandakoek abendura arteko epea izango dute baja emateko. Abendu amaiera baino lehen jakinarazi ezean urte osoko kuota kobratuko da.

- Izen-ematera datorren pertsona bakoitzak bi haurren izena eman ahal izango du gehienez ere.

- Kuota 25€/hileko izango da Urritik Ekainera arte.

Zuen zain izango gara. Animatu eta laster arte.

Iruzkin bat idatzi

Aurtzaka El Vendrell-era

2009ko III. Igartzako Dantzarien Egunean El Vendrell-etik (Katalunia) etorritako bi dantzari-talde izan genituen gure artean gonbidatu gisa: L’Embarcada Kultur Elkarteko Ball de Pastorets eta Ball de Bastons. Beraien dantzek gureekin dituzten antzekotasunak eta berezitasunak ikusi ahal izan genituen orduko hartan, bereziki, Ball de Pastorets-ekoek egiten dituzten “el pont” eta “la bota” dantzetan (gure ezpaten zubiak eta larrosaren parekoak). Jazkerari dagokionez ere, gure kofradiako bereizgarri den buruko zapi gorriaren antzekoa erabiltzen dute hauek ere.

2009ko III. Igartzako Dantzarien Eguna

Hemen hasi zen harremanari segika, Aurtzakari dagokio orain Kataluniara bisita egiteko txanda. Uztailaren 25etik 28ra “Festa Major” deituriko herriko festak ospatzen dituzte El Vendrell-en. Festa hauetan elementu tradizionalak eta egungo modernitateak eskaintzen dituenak konbinatzen saiatzen dira, hau da, dantza herrikoien berreskuratze lanak batetik, eta egungo bestelako ikuskizunak bestetik.

Lau eguneko iraupena dute festa hauek. Lehen eguna, 25a, Sant Jaume-ri dagokiona da eta suzko gaztelu handi batekin ematen diote hasiera. 26a, Santa Ana eguna da, herriko patroiarena alegia, eta beraz, festa-egun nagusia. Egun osoan zehar L’Embarcada elkarteko talde guztiak (Ball de Bastons, Ball de Gitanes, Ball de Panderos, Ball de Pastorets, Ball del 4 de Març, Ball de la Patatuf, Ball de Valencians eta Ball de Cercolets) nahiz beste zenbait kultur talde kalean zehar ibiltzen dira. Gauean berriz, kontzertuak egon ohi dira. 27a, Santa Anneta-ren eguna da eta bezperako dantza eta kultur-taldeen ikuskizunen eskaintza izateaz gain, Aurtzakak dantza egingo duen eguna. 18:00etan hasi eta gaueko 22.00ak arte.

28a da azken festa eguna, Dia del Gos deitua. Egun honetan ere, ikuskizun bat baino gehiago eskaintzen dira, Ball de Malcasats eta l’Esbart taldeen eskutik besteak beste.

Aurtzakatik, gaztetxo zein heldu, 20 bat dantzari eta musikarik hartuko du parte festa honetan.

Iruzkin bat idatzi

Aurtzakako Haur eta Gaztetxoen Emanaldia

2006an Jolas-dantzari ikuskizuna eskaini genuenetik atseden-tarte bat egon den arren, aurtengoan ikuskizun berri batekin gatozkizue berriz ere. Euskal Herri osoko hainbat dantzez osatutako bi emanaldi eskainiko dira datorren Martxoaren 13an Beasaingo Usurbe Antzokian. Dantza taldean egun dauden haur eta gaztetxo guztiek hartuko dute parte hainbat musikariren laguntzarekin.

Gehiago... Iruzkin bat idatzi

Aurten baita San Joan arbolari ere

Berrogei urte baino gehiago omen da, Igartzan Sanjoan arbola jarri zen azken urtetik. Aurten, Sanjoan bezpera egunean, auzoko hainbat laguni esker (eta bertako lanen batzordeburu Juantxo Agirre Mauleon-en ekimenez), ohitura ezagun eta zahar hori berreskuratu da.

Gure sanjoanetako neskatxen eginkizuna izan zen ekitaldi hori Barrendainen pizten den suarekin lotzea.

Gehiago... Iruzkin bat idatzi

Zaldibian kitatutako zorrak

Orain 200 urte inguru dantzari zaldibitarrak joaten ziren Beasaina ekitaldi garrantzitsuak zeudenean. Ez Beasaina bakarrik, baita inguruko herri orotara ere. Ezaguna eta ezagutua zen haien dantzarako jakinduria eta abilezia. Ordainetan, joan den igandean, Beasaindik goierritar dantzariz osatutako talde bat joan ginen Zaldibira. Eta aspaldi hartan dantzari zaldibitarrek egiten zituzten dantzak eraman genizkien itzuleran.

Gehiago...