Haur eta Gaztetxoen emanaldiaren kontakizuna

Joan den Martxoaren 13an Aurtzakako haur eta gaztetxoen bi emanaldi eskeini ziren Beasaingo Usurbe Antzokian. Egitarau aberatsa eskeini zen batean zein bestean, hala nola, zuberoako makil dantza, Kaxkarot,  Biasteriko jota, Oriako Sorgin Dantza, Banakoa (zuzenean baestutako bertso eta guzti) eta Euskal Herri osoko beste zenbait dantza. Guztiak haur eta gaztetxoen eskutik. Musika aldetik ere aberatsa izan zen emanaldia, txistulariez gain, atabalariz, bibolin eta dultzaina jolez osatutako musikari taldea izan baitzen. Bi emanaldiak jendetsuak izan ziren, zinea erabat betetzeraino. Hemendik gure eskerrak ikustera eta laguntzera hurbildu ziren guztiei eta esan hurrengoak ere halakoak izatea espero dugula. Atzerapen txiki batekin bada ere, hemen dituzue bi emanaldietako argazki batzuk ikusgai.

Emanaldien zatitxo bat ikusi nahi izanez gero berriz, saioaren bideoa Goierri Telebistaren webgunean duzue ikusgai.